УИХ дахь АН-ын бүлэг яг одоо хуралдаж байна. Монголбанкны дэд ерөнхийлөгч нартай холбоотой асуудлыг бүлгийн хуралдаанаар хэлэлцэж байгаа бололтой. Яагаад гэвэл өчигдөр хуралдсан МАХН-ын бүлгээр хоёр дэд ерөнхийлөгчийн чөлөөлөгдөх хүсэлтийг дэмжсэн билээ.

Гэхдээ тэдний оронд томилох хоёр хүний нэгийг МАХН-ын бүлэг дэмжээгүй болохоор АН-ынхан хуралдаж байгааг үгүйсгэхгүй юм. Учир нь МАХН-ын бүлгийн хурлаар Тэргүүн дэд ерөнхийлөгчид нэр дэвшүүлсэн Б.Жавхланг дэмжсэн талаар мэдээлсэн.

Энэ бол МАХН-ын гишүүнчлэлтэй нэгэн болохоор бүлгээс ногоон гэрлээр гарч иржээ. Харин Монголбанкны дэд ерөнхийлөгчид нэр дэвшсэн Н.Золжаргалыг МАХН-ын бүлэг дэмжээгүй байна. Хөрөнгийн биржийн захирал асан АН-ын гишүүн түүнийг МАХН-ынхан дэмжээгүй болохоор УИХ дахь АН-ын бүлэг хуралдаж байгаа бололтой.