“Монгол-Ньюс” мэдээллийн төвд өнөөдөр болох хэвлэлийн хурлын талаарх мэдээллийг хүргэж байна. 11.00 цагаас “Залгамжлагч холбоо” төрийн бус байгууллагаас цагдаа, ТҮК-ийн ажилчид зэрэг гадаа ажилладаг хүмүүс халуун цай, аарц, жимсний шүүсээр үйлчлэх “Сэтгэлийн цай” хөтөлбөрийнхөө талаар мэдээлэл хийнэ. 12.00 цагаас Үндэсний “Соёмбо” хөдөлгөөн, иргэд хамтран булхайтай газар олголтын талаар баримттай мэдээлэл хүргэнэ. 13.00 цагаас Хөшөөтийн нүүрсний уурхайн асуудлаар Ховд аймгийн нутгийн зөвлөлөөс хэвлэлийн бага хурал зарлалаа. 14.00 цагаас алдсан, гээсэн гар утас олох болон гар утаснаас удирддаг хамгаалалт, хяналтын систем 4S технологийг танилцуулах хэвлэлийн хурал болно. Хэвлэлийн хүрээлэнд15.00 цагаас “МоЭнКо” компаниас баруун хязгаар дахь Хөшөөтийн нүүрсний уурхайг тойрсон асуудлаар мэдээлэл хийнэ.