АНУ-ын Миссисипи мужид Торнадо хар салхи дэгдэж 10 хүн амиа алдаж, 1500 гаруй хүн орон гэргүй болжээ. Шинжээчид одоогоор хэдэн ам.долларын хохирол учраад байгааг тогтоогоогүй байна.

Миссисипи мужийн иргэн Рандольф хэлэхдээ "Торнадо миний хоёр хүүхдийн аминд хүрлээ. Надад үнэхээр хэцүү байна. Уг нь цаг агаарын мэдээнд салхины хурд 23 м/сек гэсэн боловч энэ нь Торнадо үүсгэх хэмжээний гэж бодоогүй" хэмээжээ, Тус мужийн амбан захирагч Хейли Барбур хэлэхдээ "Ийм зүйл тохиолдсонд харамсаж байна.

Телевизийн цаг агаарын мэдээнд ямар нэгэн асуудал байхгүй болов уу. Харин цаг агаарын урьдчилан тандах төв хүчтэй хар салхи дэгдэхгүй гэх мэдээлэл өгсөн" хэмээсэн аж.

Шинжээчдийн таамаглалаар цаг агаарын урьдчилан тандах төвийн төхөөрөмжид алдаа гарсан байж болзошгүй. Түүнээс болж хүчтэй салхи дэгдэнэ гэсэн мэдээлэл иргэдэд хүрээгүй байх магадлалтай аж. Энэ удаагийн Торнадо хар салхины өмнө иргэдэд цаг тухай бүрт нь салхины хурдыг мэдээлж байсан юм.